الرضاعة الطبيعية

الرضاعة الطبيعية صلة الترابط بينك وبين طفلك 

الرضاعة الطبيعية بتكون بعد ما عديتي برحلة الحمل 9 شهور من التعب واللهفة والاشتياق لرؤية البيبي اخيراً بقي بين ايديكي  

دلوقتي بدأت مرحلة الرضاعة، مرحلة مهمة جداً ليكي و لصحة طفلك، فوائدها كتير

غير كده فهي سبب رئيسي في ربط علاقة قوية بينك وبين طفلك عشان خلال فترة الرضاعة

انطلاق هرمونات في جسمك وبيخلي الحليب يحتوي على جميع العناصر الغذائية اللي بيحتاجها طفلك و بيخلي عندك ثقة في نفسك 

 و كمان وضعك لطفلك في اتجاه الثدي بتحسي بتجربة عاطفية أقوى من الحمل و البيبي جوه الرحم والعلاقة بينك و بينه بتزيد خلال الرضاعة الطبيعية عشان كدة بتتحسن صحتك، وتقلل مشاعر القلق عندك وتزيد مشاعر الاتصال بينكوا 

 فوائد الرضاعة للأم 

الرضاعة الطبيعية ليها فوائد كتير ليكي كمان كأم مش بس لطفلك مثل 

• تقوية عظامك 

تقلل فرصة إصابتك بهشاشة العظم عشان جسمك بيمتص الكالسيوم بكفاءة عالية 

•  تسريع عملية الشفاء 

بسبب هرمون الأوكسيتوسين الذي يتم إفرازه بكميات كبيرة في فترة الرضاعة

•  تخفيف التوتر

بسبب الهرمونات مثل البرولاكتين والأوكسيتوسين لتأثيرهم على الجهاز العصبي

• نفسيتك بتتحسن 

عشان مرحلة الرضاعة بتبدأ بالاكتئاب الخفيف وتنتهي بعلاقة قوية بينك وبين طفلك

• تأخر فترات الحيض بعد الولادة

خلال فترة الرضاعة الطبيعية لكن مينفعش تعتمدي عليها كوسيلة لمنع الحمل

• فرصة هايلة لفقدان الوزن 

نتيجة لحرق كمية كبيرة من السعرات الحرارية حوالي 500 سعرة حرارية في اليوم خلال  الرضاعة

تقلل فرص الإصابة بالسرطان ليكي وللطفل

تقلل فرص إصابتك بسرطان الثدي وسرطان المبيض

فوائد الرضاعة للطفل 

زي ما فوائد الرضاعة ليكي كتيره فأكيد فوائدها لطفلك أكتر

عشان كده بتنصح منظمة الصحة العالمية بأن يبقى حليب الأم هو مصدر الغذاء الرئيسي للطفل حتى يصل إلى سن 6 شهور 

من فوائد الرضاعة الطبيعية لطفلك 

تحسين أداء الجهاز الهضمي

الحليب يحتوي على مركبات عديدة تؤثر بشكل مباشر وإيجابي على الجهاز الهضمي لطفلك

 بعض الهرمونات مثل الكورتيزول والأنسولين تقوم بتنظيم نمو وتطور الجهاز الهضمي ومضادات للالتهاب

بتقلل خطر الإصابة بالتهابات في الجهاز الهضمي اللي ممكن تبقي خطر على حياة طفلك

وكمان الأطفال التي تعتمد على حليب الأم تساهم في كثرة البكتيريا الجيدة في الجهاز الهضمي الذي يساعد في النمو.

تقوية مناعة طفلك و جسمه

يحمي الحليب من خطر الإصابة بالأمراض المعدية وهي من فوائد الرضاعة الطبيعية بسبب تواجد  بعض المركبات الخاصة  في حليب الأم اللي مش موجودة في عبوات الحليب الصناعي التجارية زي البروتين والأجسام المضادة.

حماية طفلك من الأمراض المعدية 

دراسة تقول الاطفال اللي كان لبن الأم مصدر غذائهم لمدة ستة شهور على الأقل فهم أقل عرضة للإصابة بالأمراض المعدية و كمان  احتمالات إصابتهم بالتهابات الأذن المتكررة في السنة الأولى قليلة.

أفضل غذاء لطفلك في المرحلة دي

بالرغم من محاولات الشركات التجارية تصنيع حليب صناعي فيه جميع عناصر الغذاء الأساسية زي حليب الأم لكن حليب الأم يبقى هو الأفضل للطفل. 

زيادة النمو القدرات الذهنية

في علاقة قويه بين الرضاعة الطبيعية لمدة 6 أشهر على الأقل وبين ارتفاع علامات اختبارات الذكاء المختلفة في فترة الطفولة والمراهقة و كمان مفيدة للأنظمة الحسية و تطور الأجهزة البصرية والسمعية. 

حماية طفلك من الأمراض المزمنة

تحمي من خطر الإصابة بالأمراض المزمنة لما يكبر بتقلل من فرصة الاصابة بأمراض السرطان في مرحلة الطفولة، وتقلل خطر الإصابة بسرطان الدم مدى الحياة وأمراض القلب والأوعية الدموية وأمراض الشرايين التاجية في القلب لما يكبر

وكمان بتقلل من الإصابة بأمراض مناعية زي أمراض الحساسية المختلفة، والربو، وغيرها.

صعوبات الأم أثناء الرضاعة الطبيعية

في شوية مشاكل في فترة الرضاعة بتعاني منها في الرضاعة الطبيعية، لازم تتعاملي معاها عشان تستمري في رضاعة ابنك و تستفيدي أنتي و هو زي

احتقان الثدي

الثدي يصبح صلبًا ولونه أحمر ودافئ، وممكن ترتفع درجة حرارة الجسم قليلًا بس مش بتزيد عن 38 درجة 

العلاج للحالة دي هو الرضاعة بس ساعات الطفل مش بيعرف يرضع بشكل سليم فممكن شفط الحليب عشان يخف الاحتقان

لتخفيف الأعراض دي ممكن وضع الكمادات الباردة وتدليك الثدي.

 حساسية الحلمات وتشققها

تزيد حساسية الحلمات من بداية الحمل حتي الولادة 

تظهر بعد 30-60 ثانية من بداية الرضاعة، لو الالم استمر لفترة بعد الأسبوع الأول من الرضاعة في احتمال وجود جرح في الحلمة

لعلاج جرح الحلمة ممكن وضع مراهم مضادات حيوية ومضاد للفطريات وكمان كريم ترطيب. 

التهاب الثدي

يكون غالباً عدوى جرثومية

أعراضه إحمرار و ورم الثدي يصبح حساسًا جدًا، وارتفاع درجة الحرارة لأكثر من 38 درجة وألم في العضلات

العلاج في الغالب بيكون مسكن للألم  وفي الحالات الصعبة لازم مضادات حيوية 

عموماً في كل الأحوال، بلاش توقفي الرضاعة، عشان الرضاعة بتخفف الاحتقان وأعراض المرض.

في النهاية هنقولك على شوية نصائح تساعدك ترضعي بشكل سليم و سهل اتأكدي من أن طفلك فمه ملتصق بأنسجة الثدي، وإمساكه بالحلمة بالشكل المناسب وتحدثي مع طفلك أثناء الرضاعة لتقوية العلاقة بينكوا