حقيبة الحامل

أكيد بعد خبر أنك حامل اتغيرت حاجات كتير في حياتك و في روتينك اليومي و الانشطة و نظامك الغذائي،

و كمان بيتغير معاهم محتويات حقيبة أيدك عشان تناسب مرحلة حملك،

هنقولك شوية نصائح تساعدك في تجهيز حقيبة ايدك اليومية.

أشياء ضرورية في حقيبة الحامل 

وجبات خفيفة صحية

لازم يكون معاكي في حقيبة اليد بعض الوجبات الخفيفة الصحية ، مثل المكسرات غير المحمصة وغير المملحة،

أو فواكهة وخضروات، أو فشار، عشان لو شعرتي بالجوع فجأة 

تقدري تاكلي وجبات صحية بدلاً من شراء وجبات جاهزة غير صحية 

الأدوية و المكملات الغذائية 

لازم يكون معاكي جميع الأدوية اللى بتاخدها في فترة الحمل، وتختلف أنواع الفيتامينات والأدوية لكل حامل

مثل حمض الفوليك و الكالسيوم و الحديد مثلاً، مع أدوية التي تساعد على التخلص من القيء و الغثيان،

أو أدوية الحموضة خصوصاً في اخر شهور الحمل، وأي أدوية ينصح بها الطبيب.

معقم الأيدي وغطاء التواليت

مهم جداً سواء كنتِ حامل أو لا، لازم يكون معاكي  معقم الأيدي في حقيبة اليد للحماية من أي جراثيم في الأماكن العامة.

والزم يكون معاكي غطاء التواليت البلاستيك الذي يستخدم مرة واحدة،

خصوصاً لو اضطريتي لدخول الحمام خارج المنزل و ده شيء مش مفضل للحوامل خوفاً من العدوى و الجراثيم.

 فوط صحية يومية

شهور الحمل الأخيرة ضروري جداً يكون معاكي فوط صحية،

عشان بتتعرضي لوجود بعض الإفرازات المهبلية في الفترة دي ،للحفاظ على شعورك بالنظافة والانتعاش دائماً.

و اخيراً الأرقام المهمة

في حالات الطوارئ لازم يكون معاكي ورقة مكتوب فيها رقم زوجك أو مامتك أو الدكتور الخاص بيكي للاتصال بيهم.

كيف تختاري حقيبة يد مريحة خلال فترة الحمل 

بعض النصائح تساعدك على اختيار حقيبة اليد في فترة الحمل 

• تكون الحقيبة كبيرة وواسعة من الداخل، وبها جيوب كثيرة عشان تكفي جميع الأغراض.
• لازم تكون حقيبة مريحة بحزام عريض، أو حقيبة ظهر، لراحة ظهرك وكتفيك.
• اختاري حقيبة تناسب شكل جسمك ، بلاش تجري ورا الموضة الحديثة لو مكنتش مناسبة ليكي .
• لو حامل في الشهور الاخيرة ابعدي عن الحقائب الكروس حتى لا تبرز بطنك بشكل أكبر.
• لازم تشوفي حجم الأصلي للحقيبة وهى فارغة، بدون الأوراق والأكياس المحشوة بها.

 

حقيبة اليد أثناء فترة الحمل مهمة جداً بلاش تستهيني بيها و اهتمي باختيارها لتكون مريحة ليكي

و عملية و أنيقة في نفس الوقت عشان هي هتكون رفيقتك في فترة الحمل خارج المنزل

 واهتمي بانك تضعي فيها هذة الاشياء بجانب احتياجاتك الشخصية.