شنطة المستشفى للحامل

متى يبدأ تحضير شنطة المستشفى 

خلاص في الشهور الاخيرة في الحمل، لازم تستعدي وتتعرفي على شنطة المستشفى للحامل،

ابدئي في تجهيز شنطة المستشفى ليكي و شنطة للبيبي في بداية الشهر التاسع عشان تبقي مستعدة في أي وقت للولادة،

وقتها مش هيبقي في وقت بسبب التوتر و القلق و مفيش حد هيعرف يحضرها غيرك.

نيو ماما هيساعدك في تجهيز أهم الأشياء المهمة في شنطتك انتي و البيبي عشان تحضيرها بكل سهولة. 

تختلف محتويات حقيبة الولادة الطبيعية عن القيصرية

لا تختلف محتويات شنطة الولادة من الولادة القيصرية أو الولادة الطبيعية 

الولادة القيصرية لا تحتاج  لشيء مختلف عن الولادة الطبيعة، فسوف تحتاجين نفس الأشياء ماعدا  بعض المستلزمات البسيطة جدًا للعناية بالجرح، و في الغالب متوفرة في المستشفى.

 لكن لو كنتِ حامل بتوأم، الاحسن انك تقومي بإعداد الحقيبة بدري، لأن في الغالب أغلب الحوامل فى توائم يلدن بدري، و أكيد سوف تقومي بإعداد أعداد مزدوجة من الملابس والحفاضات.

نصائح لتحضير شنطة الحمل 

الاوراق الشخصية للأم

لازم تحضري الهوية الشخصية، وورقة عليها اسم ورقم هاتف الطبيب المتابع لحالتك عشان لو حصل في أي وقت ولادة و أي أوراق أخرى قد يلزم إحضارها.

احضري ملابس مريحة للولادة 

طقم للولادة لكن لو كانت الولادة قيصرية سترتدين ملابس العملية الجراحية. 

فساتين او بيجامة فضفاضة للنوم بفتحة من الصدر من أجل الرضاعة دون أكمام أو بأكمام قصيرة عشان التمريض يستطيعوا بكل سهولة فحص ضغط الدم للحامل.

والكثير من الملابس الداخلية نوعها قطن والكبير خاصة بعد عمليات الولادة القيصرية، عشان الاحتكاك بمنطقة الجرح.

العناية الشخصية 

• حمالات صدر خاصة بالرضاعة. 
•  فوط للصدر تجنباً لظهور أي آثار الحليب عند الأم.
•  فوط صحية المخصصة للولادة. 
• كريم للعناية بالثدي. 
•  حلمات سيليكون. 
• شبشب مريح.
• لوشن أو زيت لتدليك جسم المرأة الحامل. 

مستلزمات الحمام 

• شامبو. 
• غسول وجه.
• الصابون.
•  كريم مرطب.
• معجون أسنان. 
• فرشاة شعر وربطات للشعر.
• مزيل لرائحة العرق.

نصائح لتحضير شنطة البيبي

•  بطاطين في الشتاء و كوفرتة في الصيف 

 البطاطين و الكوفرته مهمين جداً ومفيدين للف المولود الجديد عشان تختلف درجة الحرارة الخارجية بعد أن كان في درجة حرارة ٣٧ داخل الرحم.

• ملابس المولود

 أول و أهم الأشياء التي تضعينه في الشنطة، على الأقل  قطعتين من الملابس الداخلية و قطعتين من الملابس الخارجية مع مراعاة العدد المناسب، عشان ممكن تطول مدة البقاء في المستشفى ،و اختاري الملابس المناسبة بنفسك.

• شرابات وقبعة خفيفة في الصيف وصوف في الشتاء لحماية الرأس.
• حفاضات

أشتري كمية كبيرة من حفاضات للمولود الجديد و خلي معاكي حفاضات كثيرة مع توفير مناديل مبللة.

• شامبو و لوفة إسفنجية وصابون

 منتجات الاستحمام الخاصة بالأطفال مهمة جدًا عشان الممرضة تحمم المولود فور ولادته.

• مناشف 

احضري معاكي الكثير من المناشف عشان هتحتاجي إليها كثيرًا في الاستحمام وكذلك في أثناء تغيير الحفاض

و مريله للصدر. 

• احتياطاً ببرونه

 لو حصل عدم نزول الحليب أو إذا كنت تنوين إرضاع الطفل صناعي.

• كريم الحفاض و كريم الجسم

مهم جدًا لحماية جلد المولود من تسلخات الحفاضات بسبب البلل مثل السودو كريم أو غيره ومفيد جداً ليبقى جلد المولود ناعم.

 

و اخيراً نصيحة الأحسن تحضري شنطة الولادة قبل موعد الولادة بفترة طويلة، والأفضل تركها في شنطة العربيه، عشان في اي وقت تكون في متناول ايديك.  

وحضري شنطة المستشفى ليكي و شنطة للبيبي، خليكي هادية و جاهزة لاستقبال ابنك بكل شوق و حب.