عن نيو ماما

في الوقت اللي السعادة فيه بتكون في قوتها، بيظهر ضيوف تانيين وهما القلق والحيرة ممزوجين بشوية او كتير من الخوف، الحياة كلها بتدور حوالين فرد الأسرة الجديد، التفكير كله بيكون حوالين صحته ورعايته، ويجي هنا دور نيو ماما اننا نمشي معاكي خطوة بخطوة، هنحاول بكل طريقة نقدر عليها اننا نساعدك لرعاية نفسك أولا ثم طفلك (لإن رعاية الطفل بتبدأ من رعاية الأم).

 

هنجيبلك أحدث الدراسات العلمية في العالم اللي بيها تقدري تشوفي أخر اتجاهات العلم في رعاية نفسك والمولود الجديد وكمان في تربيته.

كمان هنساعدك تفرقي بين الأعراض المختلفة اللي بتجيلك خلال فترة الحمل واللي عن طريقها تقدري تقيمي حالتك الصحية وكمان حالة المولود.

مهمتنا مش بتنتهي عند الجزء التوعوي فقط، هنساعدك من اول ما طفلك يوصل بمشيئة الله انك تفهمي سلوكه وتصرفاته وازاي تتعاملي معاها خطوة بخطوة، عشان نسهل عليكي عملية التربية لإنشاء طفل سوي.

 

مهمتنا مش هتكون فقط في نقل العلم، ولكن هيكون معانا اكتر من أخصائي وطبيب هيتواجدو من فترة للتانية يوجهوكي في المراحل المختلفة.

ولاننا عارفين قد ايه الفترة دي هتكون متعبة ليكي، هنحاول نبسطلك المعلومة بكل الطرق اللي نقدر عليها بالفيديو والصور وأبسط أسلوب ممكن.

تقدري معانا تتابعي اخر التطورات اللي بتحصل حواليكي، من تطعيمات في الفترة الحالية، أو الأمراض المنتشرة خلال الفترة الحالية وسبل الوقاية منها.