مراحل الحمل
مراحل الحمل بتبدأ من اول ما عرفتي انك حامل
لحظة ما الدكتور قالك مبروك أنتي حامل!
مشاعر كتير متلخبطة حسيتي بيها أسئلة كتير جواكي مش لاقيه إجابتها مش عارفة الفترة دي هتعدي ازاي
بس اطمني وبلاش توتر، الحمل رحلة جميلة استمتعي بيها و استعدي لاستقبال ضيف جديد في عيلتك
رحلة الـ 9 شهور
اعتبري ان الحمل رحلة كل مرحلة فيها احساسها مختلف واغراضها مختلفة، والبيبى بيتكون جواكي جزء جزء في كل مرحلة بشكل معين
اتعرفي على مراحل الحمل المختلفة
أول مرحلة
طفلك في المرحلة دي من الحمل من الشهر الأول لحد الثالث بيكون مجرد جنين
وتبدأ أجزاء الجسم تتكون ويصبح حجم الطفل قريب من حجم حبة الفاصوليا ويخفق قلبه بسرعة وتتشكل الأمعاء، وتبدأ الجفون والفم والأنف تأخذ شكلها مع بدء تشكل اليدين والقدمين ويتضاعف حجم الرحم
طفلك بيتحرك باستمرار ويبقى حجمه تقريباً حجم إصبع الإبهام أو حوالى 3 سنتيمتر
وهنا تشكلت أعضائه والهيكل العظمى وعلى استعداد للنمو وتظهر براعم الأسنان تحت اللثة وبتتكون الأصابع الصغيرة وتتشكل وينمو الدماغ
في الأسبوع ال 13 من الحمل وهو الأسبوع الأخير من المرحلة الاولى من الحمل طفلك
طوله 3 سنتميتر تقريباً
في الغالب في المرحلة دي
هتحسي بغثيان ودوخة ومشاكل في الهضم و تغيرات مزاجية وتغيرات في الثدي
الثدي حجمه هيكبر وينتفخ وتحسي بتقله نتيجة زيادة الهرمونات في الجسم
الإرهاق لأن حِمل طفل بينمو جواكي مش سهل وجسمك هو أول من يتأثر بغض النظر عن طول مدة نومك
هتحسي بتعب
متقلقيش، الشعور بالتعب هو أكبر مشكلة في الشهور الثلاثة الأولى مع آلام الظهر اللي بتكون متكررة خلال الحمل، تبدأ مع بداية المرحلة الثانية وتستمر حتى بعد الولادة، وبتحصل نتيجة للتغيرات الجسمانية اللي بتحصلك
نصيحتنا ليكي اشربي ماء كتير في الفتره دي و كلي خضروات وفواكه كتير و بروتين و قسمي وجبتك ل 5 الى 6 وجبات
تناولي الفيتامينات الخاصة بيكي باستمرار و حاولي تنامي بدري
تاني مرحلة
طفلك في المرحلة دي بيوصل طوله إلى 8 سنتيمتر ووزنه 28.3 جرام
وطفلك يمتلك بصمات أصابع خاصة به الآن وهيبدأ قلبه يضخ 23.6 لتر من الدم يومياً
ومع مرور الأسابيع هيبدأ هيكله العظمي في النمو وهتطور قدرته على السمع لحد ما هيقدر يسمعك وهتحسي بضربات ابنك ليكي
هيبدأ طفلك يعمل تعبيرات مختلفة هتقدري تشوفيها في السونار وهتحسي بأنكِ بقيتي نشيطة اكثر وشعور الغثيان هيقل
وهيشعر طفلك بالضوء و يبدأ بالتذوق
في الأسبوع ال 16 من الحمل بتحصل طفرة في نمو الجنين وبيتضاعف وزنه وطوله
وبيتغير الهيكل العظمي لطفلك من مجرد غضاريف ناعمة إلى عظام، والحبل السري بينمو و بيبقى أكثر قوة وسماكة وبتتطور أعضائه التناسلية
وبتزيد شهيتك للأكل ولما تتحركي هيحس بحركتك
في الأسبوع الـ 27 من الحمل وهو الأسبوع الأخير من الرحلة التانية طفلك هيقدر يفتح ويقفل عينيه ويمص أصابعه
في الغالب في المرحلة دي
بيتغير شكل البطن وهتبدأ الناس تلاحظ حملك، و يتمدد الرحم وبيرتفع تجويف البطن
ولو شوفتي ان السرة شكلها بيتغير خلال المرحلة الثانية من الحمل، متقلقيش
ممكن تبقى مرحلة صعبة عليكي نفسيًا وعاطفيًا حاولي تستمتعي بيها وحبي نفسك
هيبدأ قلبك في زيادة حجمه وزيادة تدفق ضغط الدم استعدادًا لاستقبال مولودك الجديد، وكمان زيادة حجم الرحم مع الجنين هتزود حركة قلبك وحجمه بسبب زيادة تدفق الدم له وده شيء طبيعي ومؤقت فمتقلقيش
الدوخة طبيعية بتحصل بسبب سرعة توسع الشعيرات الدموية
وممكن تحسي بتشنجات في الرجل أو ألم شديد في أسفل بطن الرجل والصداع الدائم كلها تغيرات مؤقتة
تغيرات الثدي هتكمل خلال المرحلة الثانية بسبب ان الغدد هتبدأ في افراز اللبن والاستعداد للرضاعة
ومن الحاجات الحلوه في المرحلة دي ان شعرك هيتقل وضوافرك هتبقي قوية عشان هرمونات الحمل دورها مش بيوقف عند إنها تحافظ على صحة الجنين ونموه هي كمان بتفيد جسمك
نصيحتنا ليكي اشربي ماء كتير في الفتره دي وحافظي على رجلك مرفوعه، خذي دايماً نفس طويل وعميق، ومتقوميش بسرعة او تتحركي حركات سريعة
كلي أطعمة صحية خفيفة بين الوجبات عشان تحافظي على نسبة سكر عالية في الدم، كلي البروتين عشان تحافظي على نسبة السكر في الدم
كمان تقدري تلعبي رياضة خفيفة زي المشي والسباحة وابعدي عن الكافيين واستنشقي هواء منعش دايماً
تالت مرحلة و الأخيرة
دي اخر مرحلة في رحلة الحمل اشتياقك لرؤية ابنك زادت نفسك المرحلة دي تعدي بسرعة عشان يبقى بين ايدك
في المرحلة دي من الأسبوع الـ28 للاسبوع الـ 40
هيقدر البيبي انه يرمش بعينيه، وتنمو أظافره وشعره وتضاف مليارات الخلايا العصبية للدماغ وطوله بيوصل ل 48 سنتيميتر تقريباً ووزنه حوالي 3 كيلو جرام
وهتبدأ عينه فى رؤية الضوء وهو جواكي، وهتستمر عضلاته ورئتيه فى النمو وتطور دماغه ويزيد حجم رأسه وينمو جهازه العصبى المركزى والرئتين
ويبدأ طفلك يتحرك بنشاط أكثر في الرحم وهيعمل حركات متكررة ممكن تخليكي مش قادره تنامي بس كله يهون قدام صحة طفلك وسلامته
كل ما طفلك هينمو أكثر، ومع زيادة حجم الرحم هتحسي بحرقة في المعدة وضيق فى التنفس
الأسبوع ال 40 من الحمل وهو الأسبوع الأخير من الرحلة الأخيرة
هيكون طفلك فى حجم ثمرة القرع الصغيرة، مكتملاً ومستني يخرج للحياة
في الاسبوع ده انتي خلاص مستعدة في أي وقت للولادة بتحضري شنطة المستشفي وبتفكري تحطى فيها ايه
شوقك للقاء بعد ما عديتي بالمرحلة الصعبة دي، وفي نفس الوقت عندك فضول تشوفي جزء منك بيكبر كل يوم جواكي اخيراً بين ايديك
في الغالب في المرحلة دي
هيزيد وزنك، توقعي توصل زيادة وزنك من 11 إلى 16 كيلوجرام أكثر عن وزنك الطبيعى قبل الحمل
بسبب زيادة في حجم الثدي والرحم و مخزون الدهون، وحجم السوائل فى الجسم
تقلصات الولادة، في العادة بتكون تقلصات ضعيفة، بتيجي وتروح بدون سابق إنذار، لو حسيتي بزيادة التقلصات لازم تروحي للدكتور الخاص بيكي
زيادة آلام الظهر مع استمرار نمو طفلك وزيادة الحموضة، وتشعري ببعض الضيق في التنفس، وانتفاخ القدمين بسبب تضخم الرحم
وبتخف الأعراض دي لما يستقر البيبي فى الحوض مع اقتراب الولادة
مع التقدم فى الحمل الدكتور هيطلب يشوفك كل أسبوع، بيكشف على ضغط الدم، الوزن، ويسأل عن الأعراض التي تشعرين بها
ويراقب وزن الجنين و معدل ضربات قلبه
في النهاية نصيحتنا ليكي في رحلة الحمل دايماً تعاملي مع كل مرحلة بشكل علمي
و اسألي دكتورك و استمتعي باللحظات دي، و صوري كل مرحلة فيها عشان تبقي ذكره ليكي
صدقيني هتنسى كل التعب دة بمجرد رؤية طفلك بين ايديكي
