تغذية الحامل في رمضان

تغذية الحامل في رمضان من اكثر الأسئلة التي تتكرر مع حلول شهر رمضان

الكريم اعاده الله علينا وعليكم بالخير واليمن والبركات 

 فهل صيام المرأه الحامل يسبب اي ضرر للأم والجنين؟

ماهو حكم صوم المرأة الحامل في رمضان؟

سوف تجدي إجابه لأسألتك في هذا المقال مع نظام غذائي للأم الحامل في رمضان غني بالعناصر الغذائيه الغنيه لصحه الأم والجنين مع تجنب زياده الوزن بشكل كبير وملحوظ للأم او الجنين علي حد سواء.

في البدايه يجب علينا أن نعرف  ان تغذيه الأم الحامل موضوع شديد الاهميه  فالأم الحامل يجب أن تتبع نظام  سليم ومتكامل غني بجميع العناصر الغذائيه لكي تحمي نفسها والجنين من العديد من المشاكل القابله للحدوث خلال فتره الحمل، ولابد ان تلتزم الام الحامل في رمضان.

 أيضا بجميع التعليمات التي يرشدها إليها طبيبها الخاص لانه علي درايه كامله بحالتها الصحيه

 وخاصه اذا كانت تعاني الام الحامل من اي مرض يمنعها من الصيام مثل أمراض الضغط بنوعيه العالي او المنخفض وكذلك أيضا  أمراض السكر وأمراض الكبد او الكلي. 

 

ماهي العناصر الغذائيه اللازمه لتغذيه الأمهات الحامل خلال شهر رمضان؟ 

اولا علينا التركيز علي البروتينات وسوف تجديدها في اللحوم بنوعيها و الاسماك أيضا وبعض البقوليات. 

فتلك العناصر تساعد في الحصول علي الشعور بالشبع للأم الحامل في نهار رمضان كما تعطيها الطاقه اللازمه لممارسه الانشطه اليوميه كمان تتميز البروتينات بانخفاض سعراتها الحراريه مما يساعد علي الحفاظ علي وزن الام الحامل في رمضان والجنين أيضا وتجنب تعرضه لأي ضرر. 

مهم جدا السلطه ولا بد أن تبدأ بها الأم الحامل في رمضان وجبه الافطارويجب ان تكون غنيه بالخضروات و  متنوعه مثل الخس والجرجير والخيار والاعشاب الورقيه والطماطم والجزر و البروكلي كما يمكنك مزج الخضروات بالبروتين مسلطه التونه الغنيه او النشويات كسلطه المكرونه. 

•  الفواكه بأنواعها 

فعليك ان تختاري دائما الفاكهه منخفضه السعرات الحراريه قليله السكر. 

فعلي سبيل المثال عند قيامك بالاختيار بين المانجو والبطيخ، فلتتناولي البطيخ بانخفاض سعراته الحراريه فهو يمد الجسم بالسوائل اللازمه ويقضي علي الشعور بالعطش للأم الحامل في نهار رمضان. 

وايضا الموز من الفواكه المناسبه والتي تساعد علي زياده وزن الجنين.

ويعمل علي تغذيه متكامله للأم الحامل فالشهر التاسع بصفه خاصه وينصح به الأطباء. 

 ونذكرك ايضا بتناول كميات كبيره من السوائل  لتتجنبي حدوث الجفاف. 

• السوائل زي ايه ؟

المياة، الالبان، العصائر الطازجة وليس المقصود بها العصائر الغنيه بالسكر  مثل الخروب او السوبيا والتمرذات السعرات الحراريه العاليه ولكن نصيحتنا للأم الحامل في رمضان تناول العصائر الطبيعيه الغنيه بالفيتامينات.  

 ولكن الأم الحامل في رمضان ستحتاج كميه مناسبه من الكربوهيدرات والسكريات المعقده علي مدار اليوم 

 التي تستمر بالجسم لفترات طويله وتمد الام الحامل في رمضان والجنين بالطاقه

طب نوزع اكلنا ازاي ؟

نبدأ بتناول سناك خفيف عند الإفطار مباشره مثل اللبن والتمر أو  الشوربه ثم الصلاه وأخذ قليل من الوقت قبل تناول وجبه الافطار 

مع التزامك لتلك التعليمات سوف تتجنبي عسر الهضم الذي يحدث للأم الحامل في رمضان ومشاكل الجهاز الهضمي أثناء الصيام 

وبكده ريحنا المعده تماما وخلينا الجهاز الهضمي مستعد للوجبه الرئيسيه

طيب لو هناكل مباشره بعد الأذان، وده حيحصل طبعا بسبب العزائم الرمضانيه للأم الحامل في رمضان 

• يبقي فيه خطوات لازم تمشي عليها 

مش لازم نتناول وجبه كبيرة وحنقسم وجبتنا الي وجبتين اساسين، كما ذكرنا لكي من قبل

هناكل وجبة صغيرة وممكن بعد ساعتين نكمل الوجبه الثانيه 

وحنبعد عن الوجبات التي تحتوي علي سعرات حراريه عاليه وكميه مرتفعه من الدهون، لتجنب الشعور بالثقل

كمان ما تنسنيش ان المكسرات غنيه جدا بالدهون الطبيعيه، فتناول حفنه من المكسرات بين وجبتي الفطار والسحور بيساعد الجسم فالحصول عالطاقه اللازمه والدهون اللي هيحتاجها الجسم بدون ضرر.

وكمان المكسرات بتساعد علي زياده نمو الجنين وزياده الذكاء.

عدم اهمال وجبه السحور او الاستغناء عنها تحت أي مبرر.

 

• الكنافة والقطايف  وحلويات رمضان حتتمنع تماما؟

 لا مفيش مشاكل من تناولها بس بكميات معتدله وبنستثني طبعاً مرضى السكر من  التعليمات دي تماما 

فإذا كانت الام الحامل في رمضان 

 مريضه سكر فيجب العوده لاستشاره طبيبها لتقديم نظام غذائي مناسب لحالتها الصحيه مع تجنب اي مشاكل صحبه للأم والجنين

• شرب الألبان قليله الدسم وكذلك الزبادي.

• الإبتعاد عن شرب المنبهات كالشاي والقهوه والنسكافيه و تناول المشروبات الغازية.

•  الإبتعاد تماما عن المخللات لان زياده الأملاح بالجسم مضر جدا للأم  الحامل في رمضان.

نيجي بقى لوجبة مهمة ولا تقل أهمية عن الافطار ، وهي وجبه السحور ؟

احسن وقت للسحور قبل الفجر بوقت قليل 

 لأن كل ما أخرنا السحور كل ما كان قدرة جسمك على تخزين المواد الغذائية فى السحور أفضل

وكمان ده حيساعد علي عدم الشعور بالجوع في نهار اليوم التالي 

السحور مش مجرد ساندوتش جبنة، السحور هيكون وجبه متكاملة وننصح فيها بالتمر والبلح هيساعدوا جسمك على التغلب على فترات الصيام الطويلة

وممكن تستخدمي نشويات عشان تحسي بالشبع أطول فتره ممكنه

او البقوليات زي الفول طبعا والبليله لان كل دي عناصر مشبعه ليكي وللجنين

وكمان بننصحك بتناول البيض والزبادي للحصول علي الكالسيوم اللازم ليكي وللجنين

كما يمكنك اضافه جنين القمح عالزبادي للحصول علي اعلي فائده والشعور بالشبع بشكل اكبر

مثال للوجبات السحور 

نصف رغيف + فول + بيضه مسلوقه + زبادي وثمره فاكهه 

+طبق بليله مع اللبن محلي بالعسل 

 حفنه من المكسرات + ثمره فاكهه + قطعه صغيره من الكنافه او حبه قطايف بدون قلي 

وبعد ما عرفتي هتاكلي ايه 

• لو حصل قيئ وقت الصيام لازم نفطر وناخد علاجنا وممنوع تماما تستمري قالقئ بدون ما توقفي الصيام 
• لو الام الحامل فاتها السحور يبقي مش هتصوم اليوم ده وده مش اختياري لانك بكده حتسببي اضرار للجنين 
• قللى المجهود قدر الامكان وده عشان تقللي من فقدام السوائل والعرق الكتير وفقدان السعرات الحرارية
•  خليكي دايما قاعدة فى مكان جيد التهويه التهوية ،عشان تقللي من العرق وفقدان السوائل وطبعا ده أفضل ليكي مع وجود مرض الكورونا للحفاظ علي سلامتك 
• ممنوع تمشي فالشمس لفترات طويلة فى نهار رمضان عشان نتجنب الإرهاق والتعرق وفقدان المياه فالجسم وتجنب الشعور بالغثيان والاغماء المفاجئ
• ممنوع تبذلي مجهود كبير فالعزومات الرمضانيه

مين السيدات الحوامل اللي ممنوعين من الصيام؟ 

في حالات ممنوع الصيام نهائيا، وصيامها ممكن يعرضها فعلا للخطر 

• حالات الحمل غير مستقر والحمل الخطر. 
•  القيئ المستعصي. 
•  الأنيميا. 
• حالات الضغط المنخفض أو العالي.
•  السكر غير منتظم. 
• حالات الحمل الخاصه مثل مرضي الكبد والكلي. 
• نقص الوزن وسوء التغذيه سواء الأم أو الجنين.
• حالات الحمل في توأم أو أكثر.
• بعض السيدات الحوامل بيبقوا مضطرين يمشوا على أدوية أو حقن معينة لازم تتاخد في مواعيد معينة منها فى نهار رمضان بالتاليى مش هينفع يصوموا.
• الامهات الحوامل في اطفال السونار مبين محيط خصر صغير ليهم ووزن صغير.
• الأمهات اللي بتعاني من مشاكل بالكلي والكبد.

كل دول ننصحهم بالإفطار عشان نتجنب المشاكل الصحية اللي ممكن تحصل سواء للأم او الجنين من التغذية السيئة أو فترات الصيام الطويلة وفقدان السوائل

نصيحه اخيره ليكي ارجعي لطبيبك في نظامك الغذائي في رمضان والتزم بكل تعليمات الطبيب

فالصيام فرض ولكن الله سبحانه وتعالي قدم إليكي مع الفرض بالصيام رخصه الاعفاء عنه في حاله التعب فلا تكلفي نفسك اكبر من طاقتها فالتحمل فالحمل والجنين أمانه يجب عليكي أيضا الحفاظ عليها